كتب إسماعيل السعيد ✍️
ردا على الاعلامى عمرو أديب فيما أثير لملف الأطباء المصريين من لغة تحمل التهكم على الدولة المصرية ورموزها من الأطباء قام الدكتور محمد أمر الله وطبيب أخر بأنجلترا على ما أثاره الاعلامى بقناة mbc وبدء أمر الله بتلك الرد
فيه جانبين مهمين في موضوع العمرو (عمرو أديب )
اولا/ أغلبية الأطباء ملتزمين دائما بخدمة اهالينا والإنسانية هي المحرك الرئيسي لعملنا وسعينا جميعا للحصول على أموال وتحسين مستوى حياتنا المادية ليس عيب كسائر الفئات ولما واحد زى حضرتك يكون دخله يساوى أكثر من ألف ضعف اي دكتور من الأطباء العاديين يبقي فيه خلل.
ثانيا/ اقرأ بيت الشعر ده
إن الطبيب والمعلم لاينصحان
إذا هما لم يكرما
فاصبر لدائك إن أهنت طبيبه
واصبر لجهلك إن جفوت معلما
ردّ طبيب مصري يعمل في إنجلترا على الإعلامي عمرو أديب:
“أنا طبيب مصري أعمل خارج البلاد منذ يناير 2020. ومن يومها، ولا مرة اتعرضت للإهانة أو الضرب في الطوارئ.”
بنشتغل باحترام، بناخد حقوقنا، ومش محتاجين “استغاثة” عشان نعيش بكرامة.
💸 مش بقبض مليون دولار في الشهر، ومرتبي في إنجلترا بيخلص أول كل شهر، لكني متربي على الشغل بإخلاص.
لو لا ده، كان زمان أسرتي بتدور على رقم حضرتك تستغيث بيك.
🧳 زي آلاف الأطباء، سافرنا ندور على:
✔️ التقدير
✔️ المبادئ
✔️ إننا ننام جنب أولادنا ولو كام مرة في الأسبوع
🏥 لما كنت في مصر، كنت بروح من الإيطالي لليوناني للأمريكي، وبعدين تكليفي في الشرابية.
فيه زمايل لينا حرفيًا مش بيشوفوا بيوتهم.
طبيب ساب منصب مدرس مساعد في قصر العيني وقال: “بنتي نسيت شكلي ومبقتش تعرفني.”
🇬🇧 هنا الوضع مختلف تمامًا…
المريض بيقول لاستشاري الأوعية:
“I will do whatever you recommend.”
هعمل اللي حضرتك تقوله حرفيًا.”
أما في مصر، حصل معايا إني كنت بكشف على مريض كبير، قلت لابنه:
“البقاء لله، والدك توفاه الله.”
قفل الباب وقاللي:
“عليا الطلاق بابا عايش!”
المريض محتاج تربية على احترام الطبيب.
زي ما الدولة قدرت تعلّم الناس احترام الجند والمحارب، لازم كمان تعلّمهم احترام الطبيب!
بعد 6 سنين هنا، أقدر أقول:90٪ من المرضى بيعاملوا الطبيب كأنه شبه إله.ليه؟ لأنهم اتعلموا يقدّروه.
لو الدولة صرفت علينا زي ما حضرتك بتقول،ليه فرّطت فينا؟
ليه خلّت مستشفيات برّا تقول للطبيب:
“Why are you not happy?”
وتسأله بكل احترام عن راحته النفسية؟!
قريب جدًا، الدولة هتضطر تستورد أطباء من الصين، بعد ما الأطباء المصريين بقوا في الإمارات وقطر والكويت…
مش عشان الفلوس بس، لأ… علشان الاحترام والتقدير.
إحنا مش عاوزين حاجة…
بس عاوزين بلدنا تعاملنا زي ما تركي آل الشيخ بيعاملك.
