كشفت النجمة آيتن عامر خلال لقاءها ببرنامج سينماتك على قناة sbc السعودية عن السبب وراء اتجاهها مؤخراً إلى السينما على حساب مشاركتها في الدراما كما تحدثت عن شخصيتها في فيلمها الجديد عنب المقرر طرحه قريباً.
كشفت آيتن عامر عن كواليس فيلمها الجديد عنب قائلة: بيناموا وبيصحوا بيحصلهم مشكلة كبيرة جداً .. وفجأة يلاقوا ناس داخلين بالمشكلة دي .. الناس بتجري وراهم وناس بتطاردهم .. وناس عاوزين يموتوهم ومش فاهمين دا ليه.. والليلة اللي فاتت هما مش فاكرين أي حاجة عنه .. فبيمشوا خطوة خطوة لحد ما يلاقوا حل للمشكلة.
وعن السبب وراء اتجاهها مؤخراً إلى السينما على حساب مشاركتها في الدراما قالت آيتن عامر: الناس دلوقتي بتدور على أي حاجة تبسطها .. وأي حاجة تضحكها عشان كدا معظم الأعمال اللي بتنتج كوميدي .. هو دا دلوقتي اللي السوق محتاجه .. إحنا عايشين في ضغط وكوارث طبيعية .. الفن إلى حد ما ممكن بيبقى بشارك ولو بجزء بسيط إنه يغير موود الناس.
